19వ సర్గ: ఎడ్ల లక్ష్మి

వాలి నేలగూలిన వార్తను విని దుఃఖితయైన తార అంగదునితో గూడి రణభూమికి బయలుదేరుట

వానర శ్రేష్టుడైన వాలి రణరంగమున 

శ్రీరాముడు ప్రయోగించిన బాణముయొక్క దెబ్బకు 

మిక్కిలి గాయపడి పడిపోయినట్టుగా

అతని భార్యయగు తారకు తెలిసెను 

ఆ అప్రియవార్తను విని భయముతో చలించెను 

వెంటనే కుమారునితో గూడి అటువచ్చెను 

ఆమె పారిపోవుచున్న వానరవీరులను జూచి 

ఆమె మిగుల దుఃఖిస్తూ వారితో ఇట్లనెను

ఓ వానరవీరులారా! మహారాజైన వాలికి 

మీరందరును అనుచరులే గదా! ఆ స్వామిని వీడి 

దిక్కులేని వారి వలె బీతితో పరుగులు తీయుచున్నారు 

మీకు బీతి వద్దు ఇది సుగ్రీవుడు పన్నిన పన్నాగము 

ఆ వానరులు ఆమెతో ఇట్లు పలికిరి 

ఓ దేవీ! మృత్యువు శ్రీరామునిరూపులో

వాలిని హతమార్చి తీసుకొని పోవుచున్నది 

నీ పుత్రుడైన అంగదుడిని రక్షించుకొనుటకై మరలి రమ్ము

మృతిచెందిన భర్తను చూచి మిగుల శోకించుచు

వానరుల మాటలు విని తారా ఇట్లనెను

ఓ వానరవీరులారా! నా భర్త మృతి చెందిన పిమ్మట 

నాకు పుత్రునితో పని యేమి? రాజ్యముతో పని ఏమి?