ఉపదేశం: -సంగనభట్ల చిన్న రామ కిష్టయ్య,--ధర్మపురి. మొబైల్:9908554535.


 పూర్వం ఒక ఆశ్రమంలో సిద్ధానందుడు అను గురువుగారు తన శిష్యులకు  విద్యలు బోధిస్తూ ఉండేవాడు .అతని దగ్గర అనేకమంది శిష్యులతోపాటు కశ్యపుడు అనే వాడు కూడా విద్యలు నేర్చుకుంటూ ఉండేవాడు.

       ఒకసారి  సిద్ధానందుడు తన శిష్యులకు ధర్మ బోధలు చేస్తూ "గురువుగారి దగ్గర ఉన్నది అంతా  శిష్యులకు చెందాలి .అప్పుడే గురువు నిజమైన గురువు అనిపించుకుంటాడు .ఇతరుల సొమ్ము అపహరించడం మహా పాపం .వారి సొమ్ము మనం అనుభవిస్తే అది ఋణపాశం అవుతుంది .ఆ రుణం కొరకు వచ్చే జన్మలో వారు మళ్ళీ జన్మించి రుణ విముక్తి చేయవలసి ఉంటుంది "అని బోధించాడు .రేపు చివరి రోజు కాబట్టి తాను గురువుగా ఉపదేశం  చేస్తానని ,అయితే అందరూ దగ్గరున్న నదిలో స్నానం చేసి మడి పంచెను కట్టు కొని పైన ఉత్తరీయం కప్పుకొని రావాలని ,లేనిచో తాను ఉపదేశం ఇవ్వనని షరతు విధించాడు .అందుకు శిష్యులందరూ అంగీకరించారు.

          మరుసటి రోజు తెల్లవారి అందరు శిష్యుల కన్నా  ముందే కశ్యపుడు నదికి వెళ్లి స్నానం చేస్తున్నాడు. ఇంతలోనే వరద తాకిడి ఎక్కువై ప్రక్కన పెద్ద రాయి పైన  పెట్టుకున్న తన ఉత్తరీయం పంచె కొట్టుకొని పోయింది. కశ్యపుడు తర్వాత ఇది గమనించి గురువుగారి షరతు  గుర్తుకు వచ్చి తనకు ఉపదేశం  బాకీ లేదని చింతిస్తూ ఒడ్డుకు వద్దామని అనుకుంటుండగా, ఒక ఉత్తరీయం పంచె నీటిలో కొట్టుకొని రాసాగింది . దానిని గభాలున అందుకున్న కశ్యపుడు గురువుగారి ధర్మ బోధ గుర్తుకు వచ్చి "అది ఎవరిది "అని అందరిని అడిగాడు .అందరూ తమది కాదంటే తమది కాదన్నారు .చివరకు కశ్యపుడు దేవుడే తనకు ఇది ఇచ్చాడని  సంతోషించి, గురువుగారి ఉపదేశం పైన ఉన్న ఆసక్తితో అది పైన కప్పుకొని ఆశ్రమానికి వెళ్ళాడు.

          గురువుగారు  ఉపదేశం ఇవ్వబోతూ "నేను నిన్న చెప్పిన  మాటలను కొందరు ఆచరింప లేదని తెలుస్తున్నది .అందుకు ఉదాహరణ ఈ కశ్యపుడే . నేను నదిలో స్నానం చేస్తుండగా పైన కప్పుకునే ఉత్తరీయం నాది కొట్టుకొని పోయింది." అది పోయింది కదా" అని నేను బాధపడుతూ ఆశ్రమానికి తిరిగి వచ్చాను .ఈరోజు ఆది కశ్యపుడు కప్పుకొని రావడం గమనించాను. అది నాదే .అది నేను గమనించే మాట్లాడుతున్నాను " అని అన్నాడు.

              అప్పుడు కశ్యపుడు గురువుగారితో " స్వామీ! నా ఉత్తరీయం కూడా నదిలో వరద తాకిడికి కొట్టుకొని పోయింది .ఇది నాకు నీటిలో  దొరికింది .నేను తర్వాత  "ఇది ఎవరిది " అని అందరినీ అడిగాను. అందరూ తమది కాదని అన్నారు . అయినా ఈ ఉత్తరీయం మీదని  నాకు తెలియదు. నా ఉత్తరీయం పోయింది కనుక దీనిని ఉపదేశం పై ఉన్న ఆసక్తితో పైన కప్పుకొని వచ్చాను .అయినా గురువుగారి దగ్గర ఉన్నదంతా శిష్యులకు చెందాలని మీరే  గతంలో సెలవిచ్చారు. అందువల్ల విద్యలతో పాటు ఇది కూడా నాకు మీ నుండి సంక్రమించిందని సంతోషపడుతున్నాను.కావాలని ఇది నేను ఎత్తుకొని రాలేదు కదా "అని అన్నాడు .

               అప్పుడు గురువు ఈ మాటలు విని నవ్వి "గురువుగారి  దగ్గరున్నదంతా అని అంటే కేవలం విద్యలు మాత్రమే నని  అర్థం .వస్తువులు కావు. ఆస్తి కాదు "అని చురక అంటించాడు. అంతేకాదు. కశ్యపుడి స్థానంలో  ఉన్న ఎవరైనా అలాగే చేస్తారని ,అతనికి అందరూ శిష్యులతో పాటు ఉపదేశం ఇచ్చాడు.

                    ..................


కామెంట్‌లు
Popular posts
తల్లి గర్భము నుండి ధనము తేడెవ్వడు--ఎం బిందుమాధవి
చిత్రం
కవిత నా తోడు;- యలమర్తి అనూరాధ-హైదరాబాద్ -చరవాణి:924726౦206
ఏక శ్లోకీ సుందరకాండ- కవిమిత్ర, శంకర ప్రియ., శీల.,-సంచార వాణి:- 99127 67098
చీర కట్టుకు ఫిదా అయిపోయా!--ప రికిణీ ఓణీలో కనిపించే అమ్మాయిలంటే ఎంతిష్టమో అంతకు రెట్టింపిష్టం చీరకట్టులో ముస్తాబైన మగువను చూడాలంటే. చీర మాట స్ఫురణకు వచ్చినప్పుడల్లా ఎప్పుడో ఎక్కడో నేను రాసుకున్న కవితొకటి గుర్తుకొస్తోంటుంది.... "నువ్వు చీరలో వస్తుంటే దారిపొడవునా నిన్ను చూసిన వారందరూ శిలలై నిల్చుండిపోయారు! చీరను కట్టుకున్న సంతోషం నీ ముఖంలో చూసాను! నిన్ను కట్టుకున్న సంతోషం చీరంతటా చూసాను! ఇంకా ఎందరి హృదయాలను లేలేత దూదిపిందలల్లే మార్చబోతున్నావో కదూ నీ చీరకట్టులోని అందమైన నవ్వుతో!! చాలమ్మాయి, చాలిక, ఇక లేదు నా దగ్గర కోల్పోయేందుకు మరొక హృదయం....!! నీ చూపులు చీరందంతో పోటీ పడి జరిపే నాటకానికి కిందా మీదా అయిపోయేది నా హృదయమేగా!! అర క్షణంలో పడిపోతాను చీరకట్టులో నిన్ను చూసినప్పుడల్లా!! ఎందుకిలా అనుకుంటున్నానో తెలుసా నీకు నన్ను నేను మరచి...? నేను నాదేనని అనుకున్న మనసుని నీ చీరకట్టుతో నీ వెంటే తీసుకుపోతున్నావు అప్రమేయంగా!! అంతెందుకు ఓమారడిగావు గుర్తుందా "ఈ చీర నాకు బాగుందాని?" అప్పుడు నేనిలా అన్నాను... "బాగుండటమేంటీ, చీర కట్టులో మాత్రమే నీ అందమంతా అందిస్తున్నావు నాకు" అని! అవును, చీరకున్న శక్తి,.ఆకర్షణ అలాంటిది! శ్రీమతి జ్యోతి వలబోజు గారి ప్రేరణతో "సరదా శతకం"గా బ్నింగారు పాఠక లోకానికి అందించిన "చీర పజ్యాలు" మళ్ళీ చదివానిప్పుడు. పరికిణీ మీద కవితలు రాసిన "పరికిణీ వాలా" తణికెళ్ళ భరణిగారు "చీరని ఉతికి ఆరేయకుండా, చీరని చిరాకు పడే వాళ్ళని ఉతికి, చీరకి కుచ్చిల్లు పెట్టిన బ్నింగారికి "త్రీ ఛీర్స్" అనడం పట్టుచీరకున్నంత అందంగా ఉంది.బ్నింగారు మాటలతో మురిపిస్తారు. మరిపిస్తారు. ఓసారి ఆయనతో పరిచయమైతే మళ్ళీ మళ్ళీ ఆయన మాటలు వినడానికి మనసు ఉవ్విళ్ళూరుతుంంటుందనడం అతిశయోక్తి కాదు. తల్లావజ్ఝల లలితాప్రసాద్ దగ్గర ఫోన్ నెంబర్ తీసుకున్న మరుక్షణమే బ్నింగారికి ఫోన్ చేసి అడ్రస్ అడిగి వారింటికి కలియడంతో మా మధ్య పరిచయం శ్రీకారం చుట్టుకుంది. అదిప్పటికీ హాయిగా ఆనందంగా కొనసాగుతోంది."చీరపజ్యాల" రచనా శతకానికి శతక లక్షణమైన "మకుటం" లేనందువల్ల దీనిని శతకమనలేమని, కనుకే "సరదా శతకం"గా బ్నింగారు పద్యాల నడకను చదివి తరించవచ్చన్న డా. అక్కిరాజు సుందర రామకృష్ణగారి మాట అక్షరసత్యం."ఫెమినిస్టుని కాదుగానీ ఫెమిన్ ఇష్టున్ని అని చెప్పుకున్న బ్నింగారికి స్త్రీత్వం మీద విపరీతమైన ఇష్టమూ! గౌరవమూ!! చీరలంటే ఇష్టమున్న బ్నింగారు తమ ముందుకు అమ్మాయిలు మోడ్రన్ డ్రస్సులు వేసుకుని రావడానికి భయపడేలా మాత్రం నిక్కచ్చిగా చెప్పేస్తారు. తన సరదా శతకంలో కొన్ని పద్యాలు పేలాయని, కొన్ని పెట్రేగాయని చెప్పినప్పటికీ చీరందంలోని సొగసుని చాటి చెప్పడానికి బ్నింగారి శైలితో, భావంతో ఏకీభవించని వారుండరు. "బాపూ రమణల సినిమాల్ చూపెట్టును తెలుగుతనము జూమ్ షాట్లలోఆ పిక్చర్లో తరచుగ ఓ పాటనొ సీనులోనొ ఒదుగున్ చీరే!" అంటూ మొదలుపెట్టిన చీరపజ్యాల శతకాన్ని "చీరలపై శతకాన్ని వెరెవ్వరు రాయలేదు వింతే కాదా వారెవ్వా! నా బ్రైన్ లో ఊరించే చీర మడతలున్నా యింకాన్" తో ముగించారు.. ఇందులోని ప్రతి పద్యమూ చదివి ఆర్థం చేసుకోవడానికి శబ్దరత్నాకరమో శబ్దార్ద చంద్రికో లేక మరే నిఘంటువో అవసరం లేదు. అన్ని మాటలూ మన చుట్టూ మనతో మనలో ఉన్నవే. కనుక వాటిని చదువుతున్న కొద్దీ చీరకట్టుకున్న ప్రాధాన్యం విదితమవుతుంది. వారంరోజుల్లో ఈ చీర శతకాన్ని బ్నింగారు నేసిన సమయంలో రెండు సార్లు బ్నింగారిని కలిశాను. ఈ పుస్తకం ఇన్ సైడ్ కవర్లలో ఆయన వేసిన రెండు కార్టూన్లను వేస్తున్నప్పుడు ఎదుటే ఉన్నాను.వాటిలో ఒకటి - "అరుస్తారెందుకు? నా కన్నా చీరలే మీకిష్టం కదా....కులకండి! అంటూ చీరల ట్రంకుపెట్టెలో ఉన్న భర్తతో భార్య చెప్తున్నటువంటి ఈ మాటలు బలే పేలాయి. ఇక రెండో కార్టూనుకి "చీరలు కొనమని భార్యలు / ఊరకనే కోరబోరు - ఉందురు ఓర్పున్ / వారల అవసర మెరిగియు / మీరే తెచ్చివ్వ వలయు మేలగు నేస్తం" అంటూ అందించిన పద్యం మజాగా ఉంది.ప్రతి పద్యంలోనూ బ్నింగారు పలికించిన భావం "చీరకట్టులో ముచ్చటగా, ముద్దుగా కనిపించే సొగసైన కన్యలా" ఉంది.చీరలపై పుట్టిన సాహిత్యంలో, ముఖ్యంగా జానపద సాహిత్యంలో చీరందాలను ఎంతలా అభివర్ణించారో అందరికీ విదితమే."చుట్టూ చెంగావి చీర కట్టావే చిలకమ్మా" అని ఒకరంటే "కిన్నెరసాని వచ్చిందమ్మా వెన్నెల పైటేసి...." అని మరొక కవి మాట. అయితే ఇంకొక కవి "జ్యోతిలక్ష్మి చీర కట్టింది, చీరకే సిగ్గొచ్చింది...." అనడం ఎంత బాగుందో కదండీ. చీరంటే మాటలా! కనుక చీర పజ్యాలనొక్కసారైనా ప్రతి ఒక్కరూ ముఖ్యంగా స్త్రీలు చదివితే బాగుంటుందని నా మాట.- యామిజాల జగదీశ్
చిత్రం
సగటు మనిషి ఆవేదన- సాహితీ సింధు, పద్య గుణవతి సరళగున్నాల