పక్షులు:-వురిమళ్ల సునంద,ఖమ్మం

 పల్లవి:

పక్షులండి పక్షులు భలే భలే పక్షులు

ఆకసాన విహరించే అందమైన పక్షులు

నింగికి తామతిథులు తరువుల

తనయులు

 *!! పక్షులు!!* 

 *చరణం 1* 

దొరికిందే తిని బతికే తాపసి రూపాలు

తనకంటూ దాచుకోని నిస్వార్థ జీవులు

కలిమిడిగా తిరిగే ఐకమత్య 

ప్రాణులు

సొంత గూడు కట్టుకునే ప్రతిభా

మూర్తులు

 *!! పక్షులు!!* 

 *చరణం 2* 

మదిని దోచు అందాల చేయును కనువిందు

అలరించే వింత శబ్దాల చేయును వీనులవిందు

ఎండైనా వాననైనా సమముగా స్వీకరించు

పక్షుల మించి గురువులింకెందు  కనిపించు

 *!! పక్షులు!!*