ఆన్లైన్ అగచాట్లు(బాలగేయం):-మమత ఐల-హైదరాబాద్-9247593432

వారెవ్వా ఆన్లైన్లు తల్లి దండ్రులగచాట్లు

చదువులేమొ సారెడు బల్పాలు దోసెడు

విజ్ఞానం మూరెడు డబ్బులేమొ బారెడు

ఇల్లు పాఠశాలాయె వింతల పాఠాలయె

గురు శిష్యుల సాంగత్యం ఇల్లిల్లు తెలిసి పోయె

ఉన్న వాల్లదొక బాధ లేని వాల్లదొక గాధ

విద్యార్థుల ర్యాంకులు తల్లి తండ్రి కంప్లెంట్లు 

నాటికి నేటికి మధ్యన నలుగుతున్న గౌరవాలు

ఇంటింటికి పరిమితం ఇది కరోనా పుణ్యం

నిరంతర సంరక్షణ అనుభవానికచ్చెనా

పిల్లలతో పెద్దలు తిలకించిరి పాఠాలు

విద్యార్థుల దృఢచిత్తం గమనించటమే వైనం

టీచర్లతొ స్నేహాలు జరిగిన సంభాషణలు

క్రమశిక్షణ రీతులు కార్పోరేట్ చదువులు

నడవడికను చూసిరి చిత్రం గమనించిరి

తనదాక వస్తె గాని తగువేదో తెలిదే

పిల్లల స్వాతంత్ర్యాలు పెద్దలకిరకాటాలు

ప్రతి రోజూ సెలవు

లు కాన్గీరు బందులు

తలనొప్పుల భారంతో తల్లులైరి టీచర్లు

పట్టుబట్టి నేర్చిరి పాఠాలను మాతలు

పిల్లల బురిడీ చేష్టలు పెద్దలకో సవాలు

క్రోవిడ్ తీర్థం చూపెను అనుకోని స్థితిగతులు

సుఖదుఃఖపు జాడలు జాగ్రత్తల నీడలు

వారెవ్వా ఆన్లైన్లు తల్లి దండ్రులగచాట్లు