ప్రొద్దుతిరుగుడు పూవు -(బాల గేయం )--ఎం. వి. ఉమాదేవి నెల్లూరు

పొద్దున్నే నిద్దుర లేచింది 

ప్రొద్దుతిరుగుడు పువ్వు  

పొడిచే భానుడిని చూసింది 

సద్దు చేయని పువ్వు !

ఎటుపోతే అటు తిరిగింది 

పసుపు రేకుల  పువ్వు  

సూర్యుడితో పందెమేసింది 

మధ్య విత్తుల పువ్వు !

నడినెత్తిన రవిని చూసింది 

బద్ధకం లేని పువ్వు 

మెడఎత్తి నిటారయ్యింది 

బడిపిల్లయి పాఠం నేర్చింది!

పడమరలో గమనించింది 

వడలి పోయిన పువ్వు 

భానుడికి వీడ్కోలిచ్చింది 

అలిసినట్టి ఈ పువ్వు !

చుక్కలతో జట్టు కట్టింది 

పొద్దుటి కష్టం మరిచే పువ్వు 

చందమామతో సేద దీరింది 

వెన్నెల్లో వెలిగే పువ్వు !!