పాపాయి పూలజడ =మణిపూసలు :--ఎం. వి. ఉమాదేవి.

పాపాయికి పూలజడా 

సరిగ అంచుల పావడా 

వెనుక అద్దంతో ఫోటో 

అమ్మ,నాన్నకి సందడా !

మల్లెలు,కనకాంబరాలు 

మరువము,దవనపు ఆకులు 

మధ్యలో గులాబీలను 

గుచ్చి అల్లు కనువిందులు !

దోస్తులతో గొప్పగాను 

చూపుతుంది ముదముతోను 

పూలజడా కోసమేగ

కూర్చున్నది ఓర్పుగాను !

సవరముతో పొడుగుగాను 

అల్లిజడను చక్కగాను 

అట్ఠ, అరటి పట్ట మీద

పూలుగుచ్చి పెట్టు జడను !

అందరునూ వచ్చి చూసె

ఆనందం కలుగజేసె 

చిన్నిపాప బుగ్గ పుణికి 

ముద్దులిచ్చి దిష్టి తీసె!