ఎంత కాలం :- డా.. కందేపి రాణీప్రసాద్.

వెతల వలస కూలీల

ఆకలి కేకలకు అంతం లేడు

పడరాని పాట్లు పడి

ప్రాణాలరచేత బట్టుకొని

చివరకు సొంతూళ్ళు చేరినా

ఎక్కువ సేపు నిలవలేదు

ఆ ఆనందాలు!

పనిలేదు, తిండి లేదు

ప్రేమ కన్నా ఆకలి గొప్పది

ఆకల్ని మించిన

శక్తివంతమైనదీ ప్రభావవంతమైనదీ

లేదీ ప్రపంచంలో

ఆకలి ముందు

అన్నీ దిగదుడు పే !

కడుపులో ఆకలిని నకనకలాడే

పేగులు

పొంతూరి కోసం తపించిన

మనసును

కొరక్కు తింటున్నాయి

కొద్దికొద్దిగా!

ఎంతకాలం

కడుపులో కాళ్ళు పెట్టుకుంటాడు

ఎంతకాలం

పొయ్యిలో పిల్లి పడుకుంటుంది

ఎంతకాలం

మాటల్తో పిల్లలను ఊరుకోపెడ్తారు

ఎంతకాలం

అన్నంగిన్నెలో రాళ్ళను ఉడికిస్తారు

ఎంతకాలం! ఎంతకాలం!