ధర్మ ప్రబోధ ధ్వజం:-కవిరత్న నాశబోయిన నరసింహ(నాన), ఆరోగ్యపర్యవేక్షకుడు,చిట్యాల, నల్గొండ,9542236764

తల్లి భారతికి వీరతిలకం దిద్దే త్రివర్ణ జెండా 

శాంతి శౌర్యం త్యాగాల పుణ్యచరిత జెండా 

దేహ మిచ్చిన దేశ సంరక్షణ కోస మీ జెండా 

అమర వీరుల త్యాగ ఫలం చాటే ఈ జెండా 

సస్య శ్యామల భరిత హరిత వర్ణం 

విశ్వ శాంతికి మూలం ధవళ తేజం 

కాషాయం త్యాగ నిరతి అమోఘం 

సత్య అహింస ధర్మ ప్రబోధ ధ్వజం

నరనరం దేశభక్తి ఉరకలెత్తించే  పతాకం

శత్రుమూక భరతం పట్టే రెపరెపల పతాకం 

భారత మాతకు పుష్పాభిషేక మీ పతాకం

బానిస విముక్తి సంకేతం జాతీయ పతాకం

ఆబాల గోపాలానికి అండదండ ధ్వజం

జాతి సమైక్యతకు ప్రతిరూప మీ ధ్వజం

పేద ధ

నిక తర తమ భేదం లేని ధ్వజం

మువన్నెల పతాకమా!సహస్ర వందనం!

భిన్నత్వంలో ఏకత్వంగా ఎగిరే ఈ జెండా 

సత్య అహింసల ధర్మ ప్రబోధం ఈ జెండా 

ప్రాంత భాష కులమతాల కతీతం జెండా 

జెండా రూపశిల్పి పింగళి వెంకయ్యా!జోహార్!

🇮🇳🇮🇳🇮🇳🇮🇳🇮🇳🇮🇳♦️🇮🇳🇮🇳🇮🇳🇮🇳🇮🇳🇮🇳

(జూలై4,జాతీయ పతాక రూపకర్త పింగళి వెంకయ్య గారి వర్థంతి సందర్భంగా)