జీవన రాగం ...!! >(ఆన్షీలు) >డా.కె.ఎల్.వి.ప్రసాద్> హన్మకొండ >9866252002*

ముఖ్యమైన స్థలాలకు రకరకాల అవార్డులకు 

ప్రముఖుల పేర్లుపెట్టి వారిని గౌరవింతురు ...

ప్రధాన కూడలులలో నాయకులవిగ్రహాలసందడి

వినుము కెఎల్వీ మాట నిజము సుమ్ము.....!!

దేశరాజధాని ఢిల్లీలో ముఖ్యనేతల సమాధులు  ,

రాజవైభోగముతో సందర్శకుల నలరించు చుండు 

రాజఘాట్ పేరుతో మహత్ముడు కొలువయ్యే నచట 

వినుము కెఎల్వీమాట నిజము సుమ్ము ...!!

ప్రధానమంత్రి పదవి నలంకరించి కూడా మన పి.వి 

ప్రతిష్టాత్మక స్థలములో సమాధికి నోచుకొనలేదుగా 

రాజకీయ క్రీడలలో రావుగారికి దక్కిన గౌరవమిది ,

వినుము కె.ఎల్వీ మాట నిజము సుమ్ము....!!

బ్రతికి ఉండగానే విజయవాడ నగరంలో పెట్టినారు 

మాజీ రాష్ట్రపతి మనసంజీవ రెడ్డి గారి విగ్రహము !

హిందీవ్యతిరేక ఆందోళనలో పడగొట్టిరి అప్పట్లో ..

వినుము కెఎల్వీమాట నిజము సుమ్ము ...!!

అన్నగారి హయాములో అవతరించే నెక్లస్ రోడ్డు 

కె .సి.ఆర్ .హయాములో అది పి.వి.రోడ్డుగా మారే !

రాజకీయమార్పుల్లో ఎన్నెన్నిస్వార్ధ పూరిత కుట్రలో 

వినుము కెఎల్వీమాట నిజము సుమ్ము ..!!

' రాజీవ్ ఖేల్ రత్న ' పేరుమార్చుకుంటున్నది సుమా 

పార్టీల రొచ్చు రాజకీయం గతప్రధానికి అవమానం !

కొత్త అవార్డు ప్రవేశపెట్టలేని కోతికొమ్మిచ్చి ఆట ఇది 

వినుము కెఎల్వీమాట నిజము సుమ్ము ..!!