గాలిమేడలు ;-మచ్చరాజమౌళి దుబ్బాక 9059637442

రెప్పపాటు ప్రయాణంలో

రేయింబవల్ల పోరాటంలో

ఆకాశాన్ని తాకాలనే

ఆశానిరాశల వూగిసలాటలో

రంగులద్దుకుంటున్న ప్రపంచముతో

యుద్దానికి సిద్దమవుతూ

ఉవ్విళ్ళూరుతోన్న మనసు 

గాలిమేడలు నిర్మించుకుంటోంది

నిద్రెరుగని రాత్రులకు కాపలా కాస్తూ

వెన్నెల స్నానంచేసిన మల్లెపందిరిలా నువ్వుంటే

వెలుతురును మింగేసే అమాస చీకటిలా కాచుకు కూచుంటూ

వింత వింత శబ్దాలు చేస్తూ

కొత్త జంతువు

లు సంచరిస్తున్నాయి

విషాన్ని రాసుకున్న కుబుసాన్ని మనసులకు తొడుక్కుని 

చిల్లులు పడిన గాలిబుడగలా నడుస్తూ

ఆటుపోటుల జీవితంలో ఎంతకాలం నువ్వు ప్రయాణిస్తావు

జారుడు మెట్లెక్కుతూ నువ్వు గమ్యాన్ని ఎప్పటికీ చేరలేవు

ఊహల సౌధాలను వదిలి వాస్తవంలోకి వచ్చి చూడు

నిన్నావహించిన ఆశ నిన్నెక్కడ నిలబెట్టిందో తెలుస్తుంది... 

లొంగిపోకు తొంగి చూస్తున్న నీలోని అత్యాశకు..