మా బుజ్జి పాపాయి;-గుర్రాల లక్ష్మారెడ్డి, కల్వకుర్తి.సెల్ నెం.9491387977.నాగర్ కర్నూల్ జిల్లా.

ఓ బుజ్జి బుజ్జి పాపాయి

మా బుల్లి బుల్లి పాపాయి

గిల్లికజ్జాలు అసలు వద్దోయి

మళ్లీ బజ్జుంటేనే ముద్దోయి 

ఓ అందమైన మా పాపాయి

మా చందమామవు నీవోయి

నే జోల పాడుతాగ ఈరేయి

నీ గోల ఇంక నీవు వీడవోయి !

చిరుచిరు నీలేత లేతబుగ్గలు

చిగురించిన గులాబీ మొగ్గలు

అరవిరిసిన నీ చల్లని నవ్వులు

విరబూసిన మామల్లెల పువ్వులు !

నీకు జోల పాడుతా నేనీరేయి

నీ గోల వీడి ఇక నీవు రావోయి

నీ మారమును ఇక మానవోయి

మా మహారాజువు నీవేగదనోయి !

అమ్మ ఉగ్గు పాలను తాపిస్తుంది

కమ్మని తాయిలం తినిపిస్తుంది

అల్లరి చిల్లరి పనులను చేయొద్దు

అమ్మకు ముద్దులు ఇస్తేనే ముద్దు  !