చార్మినార్ సమ్మోహనాలు ;-ఎం. వి. ఉమాదేవి.

కుతుబ్ షాహీ వంశ 

వంశ కీర్తికి అంశ

అంశగా చార్మినార్ వెలిసింది ఓ ఉమా !

భాగ్య నగరికి మధ్య 

మధ్య అనితర సాధ్య 

సాధ్యమ్ము కానిదిది కట్టడము ఓ ఉమా!

నాల్గు బురుజుల శోభ

శోభ గవాక్ష ప్రభ

ప్రభలయ్యి వెలిగింది చార్ మినార్ ఓ ఉమా!

ప్రేమికులు యాత్రికులు 

యాత్రలో ఔత్సికులు 

ఔత్సకుల అపురూప దర్పణము ఓ ఉమా!

కూడలిన గాజులను

గాజు ముత్యాలుగను

ముత్యాల నగలతో అంగళ్ళు ఓ ఉమా!

వెండి మెరుగులు ఇచట 

ఇచట లేనివి ఎచట

ఎచటనూ దొరకనివి ఇచటనే ఓ ఉమా!

రహదారి కూడలిగ

కూడ మొఘల్ సిరిగ

సిరిగనే నిలిచింది గర్వoగ ఓ ఉమా!

పైకెక్కి చూసినను

చూసినగరమంతను 

నగరమే కన్పించు బొమ్మలుగ ఓ ఉమా!