అక్షర సంక్రాంతి( కవిత);-గుర్రాల లక్ష్మారెడ్డి, కల్వకుర్తి.సెల్ నెంబర్.9491387977.నాగర్ కర్నూలు జిల్లా.

వచ్చింది వచ్చింది వచ్చింది

అక్షర సంక్రాంతి వచ్చింది

తెచ్చింది తెచ్చింది తెచ్చింది

లక్షల వరాలనే అది తెచ్చింది !

వచ్చిన అక్షర సంక్రాంతి

మెచ్చిన లక్షల విక్రాంతి 

అందరికీ ఎంతో నచ్చింది

సుందర సుమాలనిచ్చింది !

వినవమ్మా ఓ మా చెల్లెమ్మా

కనవమ్మా ఇక ఇల నీవమ్మా

నువ్వు అక్షరాలనే నేర్వాలమ్మ

ఆ లక్ష వివరాలను పొందాలమ్మ !

వింటేను కంటేను మా చెల్లెమ్మ

అక్షరాలే మన ఆయుధాలమ్మ

ముందుకు నీవు రావాలమ్మా

అక్షర విందులు చేయాలమ్మా !

చిన్నారి పొన్నారి చిట్టెమ్మ

పలకా బలపం పట్టాలమ్మ

అదురు బెదురూ లేకుండా

చదువుసంధ్యలు నేర్వాలమ్మ !

సిగ్గు శరము నీకు వద్దమ్మా

అక్షర శరమే ఇక ముద్దమ్మా

చదువుల గంట మోగించు

పదవుల పంటను పండించు !

ఆదిశక్తివి నీవమ్మా చెల్లెమ్మ

చదువులో ఆ

సక్తి చపాలమ్మ

మా మాటను నీవు వినవమ్మా

పూతోటలోని ముద్దుల కొమ్మా !

మూఢనమ్మకాల నమ్మొధ్ధమ్మ

విద్యనిగూఢ విత్తమని నమ్మమ్మ

కనుగొంటే కనుగొంటే ఈ వింత

లేనేలేదిక ఇల నీకు చీకూచింత !