ఉగాది వచ్చింది;---కయ్యూరు బాలసుబ్రమణ్యం 7780277240

ఉగాది పండుగ వచ్చింది

షడ్రుచుల పచ్చడి తెచ్చింది

మామిడి తోరణాలు కట్టాము

క్రొత్త బట్టలను తొడిగాము

తాతయ్య వచ్చాడు

తేనె తీసుకొచ్చాడు

చిన్నాన్న వచ్చాడు

నారింజ తెచ్చాడు

పిన్నమ్మ వచ్చింది

వేప పూత తెచ్చింది

మేనత్త వచ్చింది

మిరియాలు తెచ్చింది

మామయ్య వచ్చాడు

మినప పప్పు తెచ్చాడు

అన్నయ్య వచ్చాడు

ఉప్పు తీసుకొచ్చాడు

అమ్మ,నాన్న వచ్చారు

అన్నిటిని కలిపారు

షడ్రుచుల పచ్చడిని

అందరము తిన్నాము