ప్రార్థన (బాలగేయం);-- డా.గౌరవరాజు సతీష్ కుమార్.

సరస్వతీదేవి సర్వవిద్యల తల్లి

పరమేష్టి రాణి మము పాలించవమ్మా 

!!సరస్వతీ!! 

శ్వేత మరాళముపైని శుద్ధకళ్యాణీ

కోటి సూర్యప్రభలతో కొలువైనవమ్మా నలుమొగము వేలుపును చేపట్టినావూ పలుకు వెలదిగ నిన్ను పూజింతునమ్మా

!!సరస్వతీ!!

లలిత మృదుపాణి ఓ శారదాంబా

కేలుమోడ్చి నిన్ను నుతియింతునమ్మా పల్లవారుణపాద ఓ వాణిమాతా 

నీ పదమంటి నిన్నునే గొలుతునమ్మా 

!!సరస్వతీ!!

సరిలేరు నీకెవ్వరీ క్షితిలోనా 

నా మనవి చేకొనవె భారతి దేవీ వీణాపుస్తకపాణి ఓ గీర్వాణీదేవీ 

సకల విద్యలు నాకు దయజేయవమ్మా !!సరస్వతీ!!