ఆ ఆట ఆడినా ఓడినా కోట్లే..;- పోలయ్య కవి కూకట్లపల్లి అత్తాపూర్ హైదరాబాద్.

కొందరికి ఆటంటే ఆరాటం

కొందరికి జీవితం ఒక పోరాటం

కొందరికి ఆదర్శం ఎగిసిపడే కెరటం

కొందరికే దక్కుతుంది ధగధగ మెరిసే కీర్తికిరీటం

ప్రపంచ నెంబర్ వన్‌...

2020 లో మొదటి ఫ్రెంచ్ గ్రాండ్ స్లామ్ 

టైటిల్ ‌గెలిచిన పోలెండ్ బ్యూటీ (21) 

స్వియటెక్ కే రెండో ఫ్రెంచ్ ఓపెన్ టెన్నిస్ కప్

తొలి గ్రాండ్ స్లామ్ పై 

గంపెడు ఆశలు పెట్టుకున్న 

అమెరికా భామ కోకో గాఫ్ (18)ను 

మొదటి గేమ్ లోనే ఒత్తిడికి గురిచేసింది

తన శక్తివంతమైన 

బ్యాక్ హ్యాండ్ షాట్లతో 

ప్రత్యర్థిని కోలుకోని దెబ్బతీసింది

ఊపిరాడకుండా ఉక్కిరిబిక్కిరి చేసింది

6-1 6-3 స్కోరుతో వరుస సెట్లలో కేవలం 

68 నిముషాల్లోనే ఏకపక్షంగా ఆట ముగించింది

ఆడిన ప్రతి ఆటలో ఓటమన్నది ఎరుగక

ఈ 21 వ శతాబ్దంలో 35 వరుస విజయాలతో 

దూసుకుపోయి ప్రపంచ మాజీ చాంపియన్ 

వీనస్ విలియమ్స్ రికార్డును సమం చేసింది

రోలాండ్ గారోస్ చాంపియన్ గా నిలిచింది

ఫ్రెంచ్ గ్రాండ్ స్లామ్ లో లేడీస్ సింగిల్స్ టైటిల్ విజేత

ఇగా స్వియటెక్ ఖాతాలో ప్రైజ్ మనీజమ.....18.30 కోట్లు 

రన్నరప్ కోకో గాఫ్ ఖాతాలో ప్రైజ్ మనీజమ...9.15 కోట్లు 

ప్రపంచంలో టెన్నిస్ ఆటగాళ్లు ఆడినా...ఓడినా కోట్లే కోట్లు

కసి కృషి ఉన్న ఆటగాళ్ళే అదృష్టవంతులు అపరకుబేరులు