మొద్దుబారిన నేలనొక్కసారి
హలాన్ని చేతబట్టి
దుక్కినంతా చదునుచేసే
మొనగాడు రైతన్న
ఒక్క వానతో
తన అడుగులన్నీ
పొలంవైపే మరి
చిందే ప్రతి స్వేదబిందువు
పుడమినుండి పసిడిపంటలను పిలిచి
ధరణిలోని జీవరాశులందరికీ
ఆకలిమంటలను చల్లార్చే అక్షయపాత్ర రైతన్న
చీకట్లో సైతం పంటను
పసిబిడ్డలా కాపాడుతాడు
తడారకుండా వొళ్ళంతా కళ్ళుజేసుకుని రక్షణకవచమైతాడు రైతన్న
కలోగంజో తాగి
కడుపుమాడ్చుకునైనా
అప్పులభారాన్ని తలనెత్తుకుని ఎదిగేపంటకు ఎరువులనేస్తూ
పంటకు బలాన్నిస్తాడు రైతన్న
ఉరుములు ఉరిమి మెరుపులు మెరిసి
పిడుగులురాలిన
పంటను రక్షించడమే లక్ష్యం
ఎదిగొచ్చిన పంటను ఎదకత్తుకుంటాడు రైతన్న
కొండలైనా కోనలైన
తన పాదదూలితో పావనమై
పరవశించిపోయి పైరులతో అలరారుతాయి
అలసటేతెలియనితనాన్ని మనసుకద్దుకొని
మనసుపెట్టి పనిచేసే మహావీరుడే రైతన్న
addComments
కామెంట్ను పోస్ట్ చేయండి