ఏం మనుషులు ........!;-గుర్రాల లక్ష్మారెడ్డి, కల్వకుర్తి.-సెల్ :9491387977.-నాగర్ కర్నూల్ జిల్లా
ఏం మనుషులు వీరివి ఏం మనసులు.
చెడ్డ పనులు చేసేటి దొడ్డ మనుషులు
అసలు వీరు ఎంత చెప్పినా వినరు
సిసలైన దారిని వారే మాత్రం కనరు

ఏం మనుషులు వీరివి ఏం మనసులు
కోతలు కోసేటి ఈ కోతి మూక మనుషులు
కొంపకు నిప్పెట్టి తాగు చుట్టలు ముట్టిస్తరు
చెంపకు చుక్క పెట్టి ముక్కు పుడకలు కొట్టేస్తరు !

ఏం మనుషులు వీరిని ఏం మనసులు
సీట్లకై ఓట్లకై పోటీ చేయు మనుషులు
నిల్చొని పోటా పోటీగా నోట్లు పంచుతుంటరు
గెలిచిన పిదప వారు కోట్లు దండుకుంటరు!

ఏం మనుషులు వీరివి ఏం మనసులు
లాయర్లైన కొందరు లైయ్యరు మనుషులు
అన్యాయానికి కోర్టులో హాజరు వేస్తుంటరు
ఆ న్యాయానికి గైరాజరై సాక్షాన్ని మూసేస్తుంటరు!

ఏం మనుషులు వీరివి ఏం మనసులు
రౌడీయిజం చేయు కొందరు దౌర్జన్యం మనుషులు
మానవత్వాన్ని మంటగలిపి చెలరేగుతున్నరు
దానవత్వాన్ని కంట నిలిపి కాలరు ఎగరేస్తున్నరు !

ఏం మనుషులు వీరివి ఏం మనసులు
తాగుబోతు మనుషులు తందానా మనసులు
తాగిఊగి వాగుతారు మత్తులోన జోగుతారు
చిత్తయి చివరకు బొక్క బోర్ల పడతారు!

ఏం మనుషులు వీరివి ఏం మనసులు
ధన సంపాదనకై దారి తప్పు మనుషులు
జేబులు కొట్టేస్తున్నరు నోట్లను కుట్టేస్తున్నరు
నీతి తప్పి మన వెనకాల గోతులు తీరుస్తున్న రు!

ఏం మనుషులు వీరివి ఏం మనసులు
క్లబ్బుల్లో చీట్ల పేక ఆడేటి చీడ పురుగు మనుషులు
అప్పు చేసి పప్పుకూడు వండుక తింటున్నరు
తప్పుచేసి మెప్పు కూడా పొందక వారు ఉంటున్నరు !

ఏం మనుషులు వీరివి ఏం మనసులు
పబ్బుల మెరిసే మబ్బుల్లో ఆడిపాడే మనుషులు
కింద మీద పడి ఒకరి నొకరు అల్లుకుంటరు
చిందర వందరై మత్తులోన తుల్లుతుంటరు !

ఇలాంటి వారినందరిని ఒక చోట చేర్చి
వివరించాలి వారికి మంచి చెడుల గూర్చ
మనం తేవాలి వారిలోన మంచి మార్పు
జనం మెచ్చుకొని ఇస్తారులే చక్కని తీర్పు !


కామెంట్‌లు
Popular posts
తల్లి గర్భము నుండి ధనము తేడెవ్వడు--ఎం బిందుమాధవి
చిత్రం
వినదగు నెవ్వరు చెప్పిన: --ఎం బిందుమాధవి
చిత్రం
కులవృత్తులు మరువకురా గువ్వలచెన్న వికారాబాద్ జిల్లా బషీరాబాద్ మండల్ గొటిక ఖుర్డు ప్రాథమిక పాఠశాలలో కుల వృత్తుల పై విద్యార్థులు వినూత్న ప్రదర్శన విద్యార్థుల వినూత్న ప్రదర్శన అభినందించిన బషీరాబాద్ వైస్ ఎంపీపీ జడల అన్నపూర్ణ వికారాబాద్ జిల్లా బషీరాబాద్ మండలం ప్రభుత్వ ప్రాథమిక పాఠశాల గోటిక ఖుర్దు స్కూల్లో గ్రామంలో ని కుల వృత్తులు పై విద్యార్థులు పాఠశాలల్లో వినూత్న ప్రదర్శన నిర్వహించారు నేటి సమాజంలో ప్రపంచీకరణ , ఆధునికత పేరుతో కులవృత్తులకు ఆదరణ కరువు అయినవీ పల్లె నుండి పట్నంకు బతుకుదెరువు కోసం కన్నతల్లిని ఉన్న ఊరిని వదిలి కుల వృత్తిని వదిలి పట్నంలో వెళ్లి కూలీ గా పనిచేస్తున్నారు కావున ఆనాటి నుండి నేటి వరకు గ్రామంలో అనేక కుల వృత్తుల ప్రాధాన్యత ఉంది సమాజంలో కుమ్మరి కమ్మరి మేతరి చాకలి . వడ్రంగి. రైతులు .పోస్ట్ మాన్ కురువ. లాయర్. డాక్టరు మొదలైన వృత్తుల ప్రతిబింబించే విధంగా కళ్లకు కట్టిన విధంగా పాఠశాల ఆవరణంలో విద్యార్థులు చక్కగా ప్రదర్శించారు పాఠశాల ప్రధానోపాధ్యాయులు మురళి హరినాథ్ విద్యార్థుల చేత 26 వేషధారణ వేసి విద్యార్థుల నైపుణ్యాన్ని వెలికి తీయడం కోసం మరుగునపడిన కులవృత్తులను గుర్తు చేసుకోవడం కోసం చక్క గా ప్రదర్శించడం జరిగింది విద్యార్థులలో చిన్నప్పటినుండి అన్ని అంశాలపై అవగాహన కలిగినట్లయితే భవిష్యత్తులో వారికి నిత్య జీవితంలో ఎంతో ఉపయోగపడుతుంది ప్రభుత్వ పాఠశాలలు మరింత బలోపేతం చేయడం కోసం విద్యార్థులను సర్వతోముఖాభివృద్ధి చేయడం కోసం కృషి చేస్తున్నానని ప్రధానోపాధ్యాయుడు మురళి హరినాథ్ చెప్పారు విద్యార్థులకు ఒత్తిడి లేకుండా జాయ్ full learning నేర్పించాలని సంకల్పించడం జరిగిందని అన్నారు ఈ కార్యక్రమంలో లో గ్రామ పెద్దలు శ్రీనివాస్ రెడ్డి ఉపాధ్యాయులు జయ శ్రీ .నవనీత. విటల్ గౌడ్. చంద్రయ్య. సత్యం. ఆశన్నప్పా జ్యోతి. లక్ష్మీ. మరియు విద్యార్థులు పాల్గొన్నారు
చిత్రం
రామాయణం‌ నుండి108 ప్రశ్నలు –జవాబులు!:----సుజాత.పి.వి.ఎల్.
చిత్రం
పూర్వ విద్యార్థుల సమ్మేళనం అపురూపం::-యాడవరo చంద్రకాంత్ గౌడ్ తెలుగు పండిట్- సిద్దిపేట-9441762105
చిత్రం