తెలుగు తల్లి;-యలమర్తి అనూరాధ--హైద్రాబాద్--చరవాణి:924726౦206

భాష బంగారు కళ్ళ ఒడిలో

ముద్దులొలుకుతూ మురిపిస్తుంటే 

అమ్మ ఒళ్ళో మైమరిచిన అనుభూతి

పలుకు ముత్యమై అక్షరాల హారంగా 

పొదిగి ఒదిగి అలరిస్తుంటే 

అరుదైన అందాన్ని అందుకున్నంత ఆనందం

పాట పల్లవై గాలి చిరుగాలిలా 

హృదయాన్ని సుతిమెత్తగా మీటుతుంటే 

అలవికాని సంతోష తరంగం ఉప్పెనై ఉరికేను 

మధురత నిండిన మమకారమా 

నిను వీడను ఏనాడూ 

కడదాకా నీతోనే సహవాసం

(తెలుగు భాషా దినోత్సవం శుభాకాంక్షలతో)