బాలగేయం-జెండాఎగరేద్దాము ; ....కోరాడ నరసింహా రావు !

జెండా  ఎగరేద్దాము 

                    రండి బాలలూ !

 పండుగ  చేద్దాము 

                  పదండి బాలలూ!!

             " జెండా ఎగరేద్దాము " 

వందే మాతరమంటూ... 

              వందనాలు చేద్దాము!

జన, గణ,మనయంటూ...మన 

           గొంతులుకలిపేద్దాము !!

        "జెండా ఎగరేద్దాము... "

స్వాతంత్య్రం కోసం... 

  ఉద్యమాలుచేసిన... 

   మనతాతలను స్మరిద్దాము!

 దేశమాత కోసం... 

  తమప్రాణాలను అర్పించిన 

      మన వీరులను తలుద్దాం!!

      " జెండా ఎగరేద్దాము... "

స్వాతంత్య్రం వచ్చీ... 

   అమృ తోత్సవాలు చేస్తున్నా 

     దేశంలో సుఖ, శాంతులు 

       లేవన్నది విన్నవిస్తు...., 

    " జెండా ఎగరేద్దాము.... "

 రేపటి పౌరులు మేమని .. 

  దేశరక్షణకై నిలిచెదమని... 

   సుఖ, శాంతులు దేశంలో... 

    మేమే నెలకొల్పెదమని... 

      ప్రతిజ్ఞనే  చేస్తూ......., 

 " జెండా ఎగరేద్దాము..... "

     *******