నాదే ఈ తెలంగాణ ( తెలంగాణ విమోచన దినోత్సవం సందర్బంగా ) ప్రభాకర్ రావు గుండవరం(మిత్రాజీ )ఫోన్ నం.9949267638

భారత స్వాతంత్య్రంతో

పెచ్చుమీరే నిజాము

తానే స్వతంత్రుడనని

హైదరాబాద్ సంస్థానం 

నాదే నని ప్రకటించుకునే

నిజాము ఆరాచకత్వాలు

ఊరూర విజ్రుంభించే

ఆడవాళ్ళతో నగ్నంగా

బతుకమ్మలు ఆడించిరి

రజాకార్ల రాక్షసులతో రాజ్యం 

అతలాకుతలం ఐపోయే

తెలంగాణలో ఉద్యమం

ఉవ్వెత్తున పెరిగి పోయే

ఇంటికొక్కడు బడితే పట్టి

రజాకార్ల దునుమాడిరి

నిజాం నిరంకుశాన్ని నిలదీసి పాతేసిరి 

మా భూమి మా రాజ్యం

మా నీళ్లు మా అడవీ

మాకిచ్చేదాకా మేమొదలం

ప్రాణాలు తెగించి పోరాడుతాం

పోరాట యోధులతో

ఉడికిపోయే తెలంగాణ

స్వాతంత్ర్య సమర యోధులతో

ఊగిపోయే తెలంగాణ

నిజాం గుండెల్లో రైళ్లు

పరుగెత్త వట్టే

ముచ్చేమట పట్టి మూడు చెర్ల నీళ్లు తాగే

సర్దార్ వల్లభాయ్ పోలీస్

ఆపరేషన్ తో

నిజాం లొంగిపోయే

సెప్టెంబర్ 17 నాడు తెలంగాణ విమోచనమాయే

తెలంగాణ ప్రజలైన మనము

తెలంగాణ పోరాట యోధులకు

స్వాతంత్ర్య సమర యోధులకు

తెలంగాణ విముక్తి కోసం పోరాడి

అసువులు బాసిన అమర వీరులకు

నివాళులు అర్పిద్దాం వారిని స్మరిద్దాం జోహార్ జోహార్ 

🌹🌹🌹