ప్రక్రియ: సున్నితం
===============
ముప్పాతిక సంవత్సరాల క్రితము
పోరాడి తెచ్చుకున్న స్వతంత్రము
స్వేచ్ఛగా చేసుకుంటున్నాం వజ్రోత్సవము
చూడచక్కని తెలుగు సున్నితంబు!
పడ్డాము ఇబ్బందులు చాన్నాళ్ళు
భరించలేని బానిసత్వపు సంకెళ్ళు
తరిమికొట్టాం బిగించి పిడికిళ్ళు
చూడచక్కని తెలుగు సున్నితంబు !
వేశాము కలిసికట్టుగా అడుగులు
మరచిపోయి కులమతలింగ బేధాలు
సహనం సత్యాగ్రహం ఉద్యమాలు
చూడచక్కని తెలుగు సున్నితంబు!
ఎందరో అర్పించారు ప్రాణాలు
మరెందరో కోల్పోయె మానాలు
అయినా వెన్నుచూపని ధీరులు
చూడచక్కని తెలుగు సున్నితంబు !
స్వతంత్రభారతంలో ఉందా అభివృద్ధి?
పెరిగింది అవినీతి సమృద్ధి
ఇకనైనా తెచ్చుకోవాలి బుద్ధి
చూడచక్కని తెలుగు సున్నితంబు !!
addComments
కామెంట్‌ను పోస్ట్ చేయండి