బాల పంచపది===============1. శివుని నెత్తిన నెలవంక!అమ్మవారి నెత్తిన నెలవంక!ప్రతినెలా పున్నమి మనవంక!అందరికీ హాయి తలమునక!అందాల సోగ్గాడు ,తారల రేడు , రామా!2. మామ కాని మామ,చందమామ!ఆకాశాన ఇల్లున్న,మేనమామ!చిన్నప్పుడు కథల,చందమామ !పెద్దయ్యాక ప్రేమల,చిరునామా !అందాల సోగ్గాడు,తారల రేడు, రామా!3. రోదసి దాటిన,మనిషి జ్ఞానము !గ్రహాలు తెలిసిన,మనిషి జ్ఞానము!చంద్రుడిపై,కాలిడిన విజ్ఞానము !చంద్ర జ్ఞానం,మన విజ్ఞానము.!అందాల సోగ్గాడు,తారల రేడు, రామా!4. భూమండలం,చంద్రమండలము!కాలమానం ,చంద్రమానము!భవిష్యత్తులో ,చంద్రయానము!పర్యాటకులుగా ,మన ప్రయాణము!అందాల సోగ్గాడు ,తారల రేడు, రామా!5. తెలియాలి చంద్రకళలు!శుక్లపక్ష, కృష్ణపక్షాలు!వృద్ధి, క్షయాలు సహజాలు!చందమామ సందేశాలు!అందాల సోగ్గాడు,తారల రేడు,రామా!6.ఉపగ్రహం,ఉపశమనగ్రహము!చల్లదనం ,ప్రసరిస్తుంది !వెన్నెల ,హాయి కలిగిస్తుంది!మనసు ,మైమరిపిస్తుంది !అందాల సోగ్గాడు,తారల రేడు ,రామా!7. నెలనెల నేల వెన్నెలవాన!,ఆకాశాన వెండిషామియాన!షికారు చేసిన, నదీ తీరాన!మరి స్వర్గమే ఇల వెలిసేన!అందాల సోగ్గాడు,తారల,రేడు , రామా!________
ఆనంద మండలం!;-డా. పి. వి. ఎల్ .సుబ్బారావు, 9441058797.
addComments
కామెంట్ను పోస్ట్ చేయండి