నవ్వే పువ్వు!;-డా. పి .వి .ఎల్. సుబ్బారావు, 9441058797.

బాల పంచపది

=============

1. పొద్దు వైపు తిరిగి,

                    నవ్వే పువ్వు!

   ఆది  చూపాలి,

              ప్రతిరోజు నువ్వు!

   నీ ముఖాన ,

                  చెరగని నవ్వు!

  రోజంతా అదే,

               ఆనందం రువ్వు!

  నీ నవ్వే,

      నీకు బలమవ్వు, రామా!

2.  పొద్దు తిరుగుడు,

               పువ్వుల చేను!   

    చూసినంత ,

             పరవశించు మేను!

   అందమైన పువ్వుల,

                      మాట విను!

   వెలుగుల సావాసం,

                       చేయమను!

   నీ నవ్వు,

     నీకు బలమవ్వు, రామా !

3. పొద్దుతిరుగుడు పువ్వై,

                 చూడు తూర్పు!

   వెలుగుల్ని ఆహ్వానించే,

                     నీ నేర్పు !

  తప్పదు జీవితాన ,

                      సరిమార్పు!

   మార్పు కాలమిచ్చే,

                       నిజతీర్పు!

   నీ నవ్వు,

       నీకు బలమవ్వు, రామా!

4. సన్ ఫ్లవర్ సరిటీచర్!

    మన కుండాలి ఆ నేచర్!

   సూర్యుడితో మన ఫ్యూచర్!

  సూర్యుడే కనిపించే క్రియేటర్!

    నీ నవ్వే ,

     నీకు బలమవ్వు ,  రామా!

_________