👌మహిషుడొక జగమొండి!
మెడవంగని శిఖండి!
అతడొక దుండగీడు!
ఓ తెలుగు బాల!
👌దానవ చక్రవర్తి!
దుర్మదాంథుడు అతడు!
అతడు మహిషాసురుడు!
ఓ తెలుగు బాల!
( తెలుగు బాల పదాలు., శంకరప్రియ.,)
👌"మహిష" మనగా దున్నపోతు! అది.. బలము కలదవుట వలన; ఆదరింప బడునది! అని, అమరకోశం "మహిష" శబ్దమును నిర్వచించింది! మహా బలవంతుడు..మహిషాసురుడు!
👌దుర్మార్గుడైన అతనికి.. లోకంలో ఆడినదెల్ల ఆటగా; పాడినదెల్ల పాటగా; సాగుచున్నది! అట్లే, సాధు పుంగవులను మునీశ్వరులను.. హింసించ సాగాడు!
👌అతని పేరు.. మహిషాసురుడు! యుక్తాయుక్త వివేక జ్ఞానమును కోల్పోయాడు! నయవంచకుడు! పరమ మూర్ఖాగ్రేసరుడు!
🚩 ఉత్పల మాల🚩
⚜️వాఁడొక రాక్షసుండు, నయవంచనలో మొనగాండు, సుంత మో
మోడఁడు లోకనిందకు, మరోద్ధతుఁ "డాడిన దెల్ల యాటగా"
"పాడిన దెల్ల పాటగొ" ప్రపంచము సర్వము చాప చుట్టుచు
న్నాఁడటే నమ్మకమ్ము పయి నమ్మక మున్నది లేదు వానికిన్.
⚜️వాఁడొక తుమ్ము తుమ్మిన, నవ గ్రహముల్ భయ కంపితమ్ములై
యూడిపడున్, ధరిత్రి పయి నొక్కవడిన వడగండ్ల కైవడిన్;
వాఁడి విషాణముల్ దురదవాయఁగ వాఁడొక క్రుమ్ము క్రుమ్మినన్
పోడిమి దక్కి బ్రద్దలయి పోవును నాకపురీ కవాటముల్!
⚜️పేరు మహిషాసురుఁడు! దగాకోరు! మ్రుచ్చు!
ధనమునకు మూర్ఖతకును "బెట్టినది పేరు"!!
వాఁడు బాధింపనట్టి దేవతలు లేరు;
వాఁడు పరిభవింపని మునీశ్వరులు లేరు.
( మధురకవి, డాక్టర్ కరుణశ్రీ., "ఉదయశ్రీ" సంపుటము నుండి.,)
addComments
కామెంట్‌ను పోస్ట్ చేయండి