ఎప్పుడో..... !(చిత్రకవిత)--కోరాడ నరసింహా రావు.

మనిషి తనచేతల్తో.... 

  భూమ్యాకాశాలే కాదు... 

    పాతాళాన్నీ విడిచిపెట్టక....

   విస్తరించేసాడు.... !

తనపరిధుల్లో అన్నింటినీ.... 

.. పరిమితం చేసేసాడు... !

మనిషి మేధోవికాసం ముందు 

కేవలం ఒక్క విమానమేకాదు 

సృష్ఠి సమస్తమూ చిన్నదై      

పోతోంది... !

వైజ్ఞానికంగా అంత ఎదిగిన మనిషి.... నైతికంగా ఎందుకింత పతనమైపోయాడో 

యే ఉన్నతికైనా..... నైతికతే 

పునాది అని, ఎందుకు తెలుసు కోలేకపోతున్నాడు... !

అందుకేనా... ఇన్నిన్ని ప్రమా దాలకు లోనౌతున్నాడు !!

 

ఆ  సత్యాన్ని  ఈ మనిషి 

.  తెలుసుకునే దెన్నడో...., 

 తన అభ్యున్నతికి... బలమైన నైతిక పునాది వేసుకునే దెప్పుడో... !!

      *****