ఆ వ్యక్తి;-గుండ్లపల్లి రాజేంద్రప్రసాద్, భాగ్యనగరం
ఆ వ్యక్తి
చిక్కితే చీల్చిముక్కలుచేస్తా
దొరికితే దహనంపాల్జేస్తా
బోనులోపడితే బంధించేస్తా

ఆ వ్యక్తి
వెంటబడుతున్నాడు
వద్దనివారించినా
వినకున్నాడు

ఆ వ్యక్తి
వంటిలోదూరాడు
వెళ్ళమని అదిరించినా
విడవకున్నాడు

ఆ వ్యక్తి
అంతరంగాన్ని ఆక్రమించాడు
అదిరించినా
ఆస్థానాన్ని అంటిపెట్టుకున్నాడు

ఆ వ్యక్తి
అందాలను చూడాలంటున్నాడు
కళ్ళను కప్పేసినా
కమ్మదనాలు కావాలంటున్నాడు

ఆ వ్యక్తి
ఆనందాలను ఆశిస్తున్నాడు
ఆమడదూరం తరమాలన్నా
అడుగుకూడా జరగకున్నాడు

ఆ వ్యక్తి
అందలం యెక్కించమంటున్నాడు
అణగదొక్కి అదుపుచేసినా
అల్లరిజేసి అవస్థలుపెడుతున్నాడు

ఆ వ్యక్తి
పట్టుకుందామంటే
ప్రశ్నిసున్నాడు
పెత్తనంచలాయిస్తున్నాడు

ఆ వ్యక్తి
మట్టిలో కలపాలంటే
మొండికేస్తున్నాడు
మేనునువదలకున్నాడు

ఆవ్యక్తి
అగ్గిలో బుగ్గిచేద్దామంటే
అందకున్నాడు
అరుస్తున్నాడు

ఆ వ్యక్తి
గాలిలో కలుపుదామంటే
గుండెలో దూరుతున్నాడు
గాయలపాలు చేస్తున్నాడు

ఆ వ్యక్తి
పట్టుకొని
పంజరంలో పెట్టాలంటే
పెడబొబ్బలు పెడుతున్నాడు

ఆ వ్యక్తి
చేతికి చిక్కకున్నాడు
మనసుకు దొరకకున్నాదు
శిక్షను స్వీకరించకున్నాడు

ఆ వ్యక్తి అంతరాత్మ
నిప్పు దహించలేదట
నీరు తడపలేదట
గాలి శోషీంచలేదట


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
సాహితీ ప్రియులకు అపురూప కానుక పొయిట్రి వర్క్ షాప్;-- యామిజాల జగదీశ్
చిత్రం
చిత్రం ;సాక్షి- 9వ తరగతి
చిత్రం