భూకంపం ముత్యాల హారాలు;- గుర్రాల లక్ష్మారెడ్డి కల్వకుర్తి.-సెల్.9491387977.నాగర్ కర్నూల్ జిల్లా.

భూమికి జ్వరం వచ్చింది

దాని కాయం మండింది

నెర్రల్లో సెగ రగిలింది

గుండె కూడా పగిలింది  !

మానవునికి వచ్చినట్లే

భూమికి పెక్కు ఇక్కట్లే

భవంతుల కూల్చేస్తుంది

మానవుల ముంచేస్తుంది!

సెగలు పొగలు కక్కుతుంది

లావాను విడిచేస్తుంది

భుజంగంలా కరుస్తుంది

పెద్దపులిలా అరుస్తుంది !

కోపం తాపంతో తను

కోడెనాగై పారేను

ఇక విషం తాను చిమ్మేను

సర్వస్వం కబళించేను !

భూమికి  వచ్చేను కష్టాలు

మనకు మిగిలేను నష్టాలు

భూమాతకు పరితాపం 

మరి మనకేమో పాపం  !

గిరులను పేల్చి వేయును

తరులను కూల్చి వేయును

వొనరులన్నీ చేజారును

బతుకంతా దిగజారును !

ఇందుకు టర్కీ ఉదాంతం

చూస్తే మనకు నిర్గాంతం

తప్పక కలుగును వినుమా

నీవే నిజమును కనుమా !