ఆరోగ్యం (మణిపూసలు):-పి. చైతన్యభారతి--హైదరాబాద్, 7013264464

ఆరోగ్యమె సిరిసంపద

వ్యాయామానికి పదపద

దురలవాట్ల కగ్గిపెడితె

ప్రశాంతంగ ఉంచును కద!

క్రమశిక్షణ కంచె వేసి

జిహ్వరుచిని అదుపుచేసి

రోగాలకు స్వస్థి పలుకు

శుభ్రతపై కన్నువేసి

పేదరికం పెనుసవాలు

అవిద్యతో చెడుదారులు

అవగాహన లేమితో

దీర్ఘకాలిక రోగాలు

లింగవివక్షే పెరిగెను

మహిళాలోకం నలిగెను

పోషకాహారం లేక

బిడ్డ వ్యాధి పాలాయెను

ధరలన్నీ పెరిగిపోయి

ఉపాధియే తగ్గిపోయి

దీనస్థితిలొ సమాజం

తిండికేమొ తిప్పలయి

వ్యాధులతో సునామీలు

కుటుంబాలు రోడ్డుపాలు

సంపూర్ణ అవగాహనె

అసలు సిసలు ఓషధాలు