ముత్యాల హారం గుర్రాల లక్ష్మారెడ్డి కల్వకుర్తి.-సెల్.9491387977.నాగర్ కర్నూల్ జిల్లా.

ముత్యాల హారం వేదిక

మన కోసమే ఇది కనుక

హారాలను రాయండిక 

ఇక మీరెన్నడు మరువక !

మా కవి మిత్రులు వినండి

మా మంచి మాట ఇదండి

ఇక హారాలను అల్లండి

గుమ్మానికి వేసి వెళ్ళండి !

ఇరుగు పొరుగు సేవ ఇది

మనం పాటిస్తే మంచిది

 మంచి పేరు మీకొస్తూంది

ఆనందాన్ని ఇస్తుంది !

మీరు హారాలను వ్రాసి

ముఖద్వారాలకు కట్టేసి

ముందర ముగ్గులు పెట్టేసి

కావాలి మీరు సాహసి !

సహచర కవుల పిలవండి

బాసటగాను నిలవండి

హారాలనూ నేర్పండి

అందాలనూ కూర్చండి !

వేదిక పరిచయం చేసి

భారం మనము మోసేసి

అంతా సిద్ధం చేసేసి

చూపించాలి పేర్చేసి!

 ఈ వేదిక ప్రసిద్ధం

కావాలిక సంసిద్ధం

 కాదులే మరి నిషిద్ధం

ఇందులోన నివసిద్ధం !