న్యాయాలు -122
నౌశకట న్యాయము
****
నౌ అంటే నౌక లేదా ఓడ అని అర్థం. శకటము అంటే బండి ,అరదము,తేరు,ఒక సేనా వ్యూహము అనే అర్థాలు ఉన్నాయి.
'ఓడలు బండ్లు కావచ్చు - బండ్లు ఓడలు కావచ్చు' అనే అర్థంతో ఈ న్యాయమును చెబుతుంటారు.
'ఓడలు బళ్ళు- బళ్ళు ఓడలు'అనే సామెత తెలుగులో కూడా ఉంది.
ఈ న్యాయము /సామెత వెనుక ఓ కథ కూడా ఉంది. పూర్వకాలంలో వ్యాపారులు రెండు రకాలుగా ఉండేవారు. చిన్న వ్యాపారస్తులు తమ కున్న చిన్న చిన్న బండ్ల మీద ఒక ఊరి నుండి మరో ఊరు తిరుగుతూ వ్యాపారం చేస్తుండేవారు.
ఇక బాగా డబ్బు ఉన్న వ్యాపారులు తమ వస్తువులను పెద్ద మొత్తంలో ఓడల ద్వారా సముద్ర మార్గంలో దూర ప్రాంతాలకు తీసుకుని వెళ్లి వ్యాపారం చేసేవారు.
అలా వెళ్ళినప్పుడు ఒకోసారి తుఫానులు లాంటి ప్రమాదాలు సంభవించేవి.తాము తీసుకుని వెళ్తున్న ఓడల్లోని సరుకంతా సముద్రం పాలై పోయేది. ఆ విధంగా చాలా నష్టపోయే వారు.అంత పెద్ద వ్యాపారులు చిన్న బళ్ళమీద వ్యాపారం చేసుకునే పరిస్థితులు వచ్చేవి.
ఇక బండ్ల మీద తిరిగే చిన్న వ్యాపారులకు కాలం కలిసొచ్చి ఓడల మీద తిరిగి వ్యాపారం చేసేంత స్థాయికి ఎదిగేవారు.
ఇలా మన కళ్ళముందే కొందరు వ్యక్తులు అత్యున్నత ఆర్థిక స్థితి నుంచి పేదరికం దారిద్య్రంలో మునిగి పోతే 'ఓడలు బళ్ళు' అయినాయని అంటారు.
ఓడ చాలా ఖరీదైన వాహనం.బండి తక్కువ ఖరీదు గల వాహనం. అంటే ఒకప్పుడు ఓ బాగా బతికిన స్థాయి నుంచి చితికి పోయి తిండికి కూడా అల్లాడే పరిస్థితి అంటే అతి పేదరికాన్ని అనుభవిస్తున్నప్పుడు ఈ మాట ఉపయోగిస్తూ ఉంటారు.
అలాగే 'బండ్లు ఓడలు అవడం' అంటే అతి పేదరికం, సామాన్య స్థితి నుండి ఆర్థికంగా బాగా ఉన్నత స్థాయికి చేరుకోవడం.అలా చేరుకున్న వ్యక్తులను, కుటుంబాలను ఉదహరిస్తూ వారి దశ తిరిగిందని 'బండ్లు ఓడలుగా' మారటం అంటే ఇదేనని అంటూ ఉంటారు.
'కూర్చుని తింటే కొండలైనా తరుగుతాయనీ' ముందు ఆలోచన లేకుండా చేజేతులా ఉన్నదంతా పోగొట్టుకునే వారు కొందరైతే, విధి వైపరీత్యం వల్లనో అనారోగ్యాల వల్లనో, అతి మంచి తనం తో చేసిన దాన ధర్మాల వల్లనో ఉన్నదంతా ఊడ్చుకొని పోయి బికారులుగా మిగిలి పోయి అష్ట కష్టాలు పడటం చూస్తూ ఉంటాం. అలాంటి వారిని చూస్తుంటే ఎవరికైనా 'ఎట్లా బతికేవారు ఎలా అయిపోయారు' అనే బాధ కలుగుతుంది.
అలాగే తమ తెలివితేటలతోనో,పొదుపు,మదుపు, యుక్తితోనో, చిన్న చిన్నగా తమ ఆర్థిక స్థోమతను పెంచుకుంటూ ఉన్నత స్థితికి చేరే వారిని చూస్తుంటే' ఔరా!' అనే ఆశ్చర్యం కలుగుతుంది.
కాలం ఎప్పుడూ ఒకే రీతిగా ఉండదని , జీవితాలు తారుమారు అవుతుంటాయని చెప్పడానికి ఈ 'నౌక శకట న్యాయమే' చక్కని ఉదాహరణ.
ప్రభాత కిరణాల నమస్సులతో 🙏
నౌశకట న్యాయము
****
నౌ అంటే నౌక లేదా ఓడ అని అర్థం. శకటము అంటే బండి ,అరదము,తేరు,ఒక సేనా వ్యూహము అనే అర్థాలు ఉన్నాయి.
'ఓడలు బండ్లు కావచ్చు - బండ్లు ఓడలు కావచ్చు' అనే అర్థంతో ఈ న్యాయమును చెబుతుంటారు.
'ఓడలు బళ్ళు- బళ్ళు ఓడలు'అనే సామెత తెలుగులో కూడా ఉంది.
ఈ న్యాయము /సామెత వెనుక ఓ కథ కూడా ఉంది. పూర్వకాలంలో వ్యాపారులు రెండు రకాలుగా ఉండేవారు. చిన్న వ్యాపారస్తులు తమ కున్న చిన్న చిన్న బండ్ల మీద ఒక ఊరి నుండి మరో ఊరు తిరుగుతూ వ్యాపారం చేస్తుండేవారు.
ఇక బాగా డబ్బు ఉన్న వ్యాపారులు తమ వస్తువులను పెద్ద మొత్తంలో ఓడల ద్వారా సముద్ర మార్గంలో దూర ప్రాంతాలకు తీసుకుని వెళ్లి వ్యాపారం చేసేవారు.
అలా వెళ్ళినప్పుడు ఒకోసారి తుఫానులు లాంటి ప్రమాదాలు సంభవించేవి.తాము తీసుకుని వెళ్తున్న ఓడల్లోని సరుకంతా సముద్రం పాలై పోయేది. ఆ విధంగా చాలా నష్టపోయే వారు.అంత పెద్ద వ్యాపారులు చిన్న బళ్ళమీద వ్యాపారం చేసుకునే పరిస్థితులు వచ్చేవి.
ఇక బండ్ల మీద తిరిగే చిన్న వ్యాపారులకు కాలం కలిసొచ్చి ఓడల మీద తిరిగి వ్యాపారం చేసేంత స్థాయికి ఎదిగేవారు.
ఇలా మన కళ్ళముందే కొందరు వ్యక్తులు అత్యున్నత ఆర్థిక స్థితి నుంచి పేదరికం దారిద్య్రంలో మునిగి పోతే 'ఓడలు బళ్ళు' అయినాయని అంటారు.
ఓడ చాలా ఖరీదైన వాహనం.బండి తక్కువ ఖరీదు గల వాహనం. అంటే ఒకప్పుడు ఓ బాగా బతికిన స్థాయి నుంచి చితికి పోయి తిండికి కూడా అల్లాడే పరిస్థితి అంటే అతి పేదరికాన్ని అనుభవిస్తున్నప్పుడు ఈ మాట ఉపయోగిస్తూ ఉంటారు.
అలాగే 'బండ్లు ఓడలు అవడం' అంటే అతి పేదరికం, సామాన్య స్థితి నుండి ఆర్థికంగా బాగా ఉన్నత స్థాయికి చేరుకోవడం.అలా చేరుకున్న వ్యక్తులను, కుటుంబాలను ఉదహరిస్తూ వారి దశ తిరిగిందని 'బండ్లు ఓడలుగా' మారటం అంటే ఇదేనని అంటూ ఉంటారు.
'కూర్చుని తింటే కొండలైనా తరుగుతాయనీ' ముందు ఆలోచన లేకుండా చేజేతులా ఉన్నదంతా పోగొట్టుకునే వారు కొందరైతే, విధి వైపరీత్యం వల్లనో అనారోగ్యాల వల్లనో, అతి మంచి తనం తో చేసిన దాన ధర్మాల వల్లనో ఉన్నదంతా ఊడ్చుకొని పోయి బికారులుగా మిగిలి పోయి అష్ట కష్టాలు పడటం చూస్తూ ఉంటాం. అలాంటి వారిని చూస్తుంటే ఎవరికైనా 'ఎట్లా బతికేవారు ఎలా అయిపోయారు' అనే బాధ కలుగుతుంది.
అలాగే తమ తెలివితేటలతోనో,పొదుపు,మదుపు, యుక్తితోనో, చిన్న చిన్నగా తమ ఆర్థిక స్థోమతను పెంచుకుంటూ ఉన్నత స్థితికి చేరే వారిని చూస్తుంటే' ఔరా!' అనే ఆశ్చర్యం కలుగుతుంది.
కాలం ఎప్పుడూ ఒకే రీతిగా ఉండదని , జీవితాలు తారుమారు అవుతుంటాయని చెప్పడానికి ఈ 'నౌక శకట న్యాయమే' చక్కని ఉదాహరణ.
ప్రభాత కిరణాల నమస్సులతో 🙏
addComments
కామెంట్ను పోస్ట్ చేయండి