నవ్వులదినోత్సవం ;- కోరాడ నరసింహా రావు

     😃😃😃😃😃

నవ్వు.... !

  నువ్  నవ్వతే....., అంతటా 

   ఆనందం, సుగంధం లా        పరిమళించాలి ! 

నీ అవయవంలోని అణువణువూ... 

  పులకరించాలి.. !

రుగ్మతలన్నీ మాయమై... 

  ఆరోగ్యం సాక్షాత్కరించాలి !

నీ నువ్వెప్పుడూ.... 

  విరిసిన పువ్వులా.... 

    పసిపాప నవ్వులా.... 

      స్వచ్ఛంగా ఉండాలి !

నువ్వు నవ్వితే.... 

  నీచుట్టూ ఉన్నవాళ్ళంతా 

    ఆనందంగా నవ్వాలి !

      ఏ ఒక్కరూబాధపడరాదు!!

పదుగురునీ... 

  నవ్వించటం కోసం... 

    మిత్రుడ్ని నవ్వులపాల్జేస్తే 

      వాడు, స్నేహితుడే కాడు !

నవ్వించటంకోసం... 

  ఏ ఒక్కరినీ నొప్పించకు... 

   నవ్వుల పాల్జేయకు !

     నవ్వుల పాలవుతావ్ !!

 ఆనందంతో... 

  స్వచ్ఛంగా నవ్వుతూ... 

    అందరినీ  నవ్విస్తూ... 

      ఆరోగ్యంతో జీవించు !!

      *******