46.
యాంత్రిక జీవనంతో,
మనిషి మర!
మర కి నిత్యం ,
మనస్తత్వం ఎర!
మరకి స్పందన కరువు,
మనిషికి బతుకు బరువు!
బరువుగా సాగే బతుకు ,
నిత్యం అతుకు !
అతుకుల బతుకు ,
చివరికి చితుకు!
47.
నాగరికత వికాసం, సరే!
మానవతావికాసం మాటేమిటి?
నాగరికతవికసించి,
మానవత్వం నశిస్తే!
అనుక్షణం జీవితాన్ని,
స్వార్థమే శాసిస్తే !
మనిషి మరిచిపోయేది,
జీవనపరమార్థమే!
48.
ఎంతో సుకృతం మానవ జన్మ!
సార్ధకం కాకుంటే అదో పెద్దకర్మ!
మనిషి, నీలో నిన్ను చూసుకో !
నీ బింబం చక్కగా సరిచేసుకో!
పతనం నుండి నిన్ను,
నీవు కాపాడుకో!
_____________________
రేపు కొనసాగుతుంది.
జీవన సార్ధకత.;- డా పివిఎల్ సుబ్బారావు,9441058797.
addComments
కామెంట్ను పోస్ట్ చేయండి