మట్టి మనిషి ;-.. కోరాడ నరసింహా రావు !

మట్టినే నమ్ముకున్న మట్టి మనిషి !
నేలతల్లి పంటలతో పరవసిస్తే
శ్రమఫలించిందని పులకించిపోయే పేద రైతు !

జీవిక కోసం నమ్ముకున్నదీ, అమ్ముతున్నదీ తన శారీరక శ్రమనే !

పొలమే తన జీవిత సర్వస్వం
చావైనా, బ్రతుకైనా...
ఆ పొలంలోనే... !!

మట్టితో తన అనుబంధం
జీవిత కాలం !
కష్టమైనా.... సుఖమైనా
ఆనందమైనా... దుఃఖమైనా
సర్వమూ నేలతల్లి ఒడిలోనే

ఆతని శ్రమఫల సర్వస్వాన్నీ
ఈ ప్రపంచపు ఆకలిని తీర్చటానికే ధారపోస్తాడు !

ఆతడు ఈ జీవకోటికి
అన్నదాతగా శ్రమించ
నడుమును బిగించినవాడు!

ఆతని శ్రమ ఫలించునుగాక !
. అన్నదాతా... సుఖీభవ !!
******