ఆకులుంటే అందము- -గద్వాల సోమన్న,9966414580

చెట్టుకు ఆకులు అందము

గొప్పది ఇరువురి బంధము

తెచ్చిపెట్టు నిండుదనము

పెంచుతుంది చక్కదనము

కొమ్మ కొమ్మకూ ఆకులు

ఉట్టిపడును పచ్చదనము

తరువుకవి మంచి మిత్రులు

చాటునోయ్ గొప్పతనము

కప్పును తరులను నిండుగ

ఇచ్చును రక్షణ మెండుగ

అందాలొలికే ఆకులు

చెట్టుకవి సన్నిహితులు

పచ్చని ఆకులు త్రుంచిన

ఎక్కడుండునూ కళకళ!!

పత్రాలు కనుక  రాలిన

పోవును తరువులు వెలవెల