1. నాడు వచ్చిన ,నేడు ఉన్న,
రేపు రానున్న తుఫానులు!
మానవజాతి ఋజువర్తనానికి,
ప్రకృతి హెచ్చరికలు !
మనిషి అంతరంగం ,
దైవం చూస్తూ ఉంటాడు! పక్కదారి పడుతుంటే,
ఒక దెబ్బ వేసి,
పక్కా దారి, నడవమంటాడు !
కలిసి కష్టాలు పంచుకోమని, ఎదుర్కోమని,
సైతానుని, పంపిస్తూ ఉంటాడు!
2. అదేమిటో పరాక్రమంలో,
మనిషి అభిమన్యుడే!
విపత్తుల పద్మవ్యూహంలో,
నేడు చిక్కుకున్నాడే !
ప్రభుత్వ సహాయం,
ఆపన్నులకు సైంధవ గీతే!
ఆదుకోవాలని ఉన్నా ,
వాళ్ళకి రానిది ఈతే !
వర్షధారల కటకటాలమధ్య ,
సూర్యుడి కిది తలరాతే!
3. రైతు పంట ,
వర్షం నీటిలో మునుగు!
రైతు బతుకు,
కన్నీటి వరదల్లో అణుగు !
అతఢి ఋణం గోరుచుట్టు,
పంటనష్టం రోకలిపోటు!
అతని జీవితమంతా,
ఏటికి ఎదురీత!
అతన్ని చూస్తే మనసున్న,
వారందరికీ కడుపుకోత!
4. ప్రకృతి విలయతాండవం!
సాధారణ జనగృహం,
జలబాండం !
తోడుగా విద్యుత్ కోత,
మరి అంధకార బంధురం!
నిత్యావసరాలు అలభ్యం,
అమ్మేవాడికి గొప్ప సౌలభ్యం!
ప్రకృతి క్షణంలోమారిపోయింది,
బతుకు బండి ఆగిపోయింది!
5.ఎన్నోపాపాలు,
మూటకట్టావు!
సర్పాలై బుసకొడుతూ,
మీదికి వస్తున్నాయి!
ఒక్క పుణ్యం చేసి ఉంటే ,
గరుత్మంతుడు వచ్చేవాడు !
శకునిలా ఆలోచించావు,
శని ఎదురొచ్చాడు!
మనిషిలా ఆలోచించు,
మాధవుడు వెంట ఉంటాడు!
గోతులు తీయడం ఆపి,
కష్టాలకు అడ్డుగోడ కట్టు!
___'_____
.
addComments
కామెంట్ను పోస్ట్ చేయండి