ఉడతాభక్తి;- -గద్వాల సోమన్న,9966414580

ఉసిరి చెట్టుపై చిట్టి ఉడత

గంభీరమే దాని నడత

చెంగు చెంగున ఎగురుతుంది

కొమ్మ కొమ్మకు తిరుగుతుంది

రామ సేతుకు సాయపడెను

ఉడతాభక్తి ప్రదర్శించెను

చలాకీగా ఉంటుందోయ్!

ఉసిరికాయలు తింటుందోయ్!

మూడు చారలు కల్గియుండును

తోక చూడగ పొడుగుండును

చిన్న ప్రాణి ఉడత సృష్టిలో

చెట్టుపైన వాసముండును

ఉడతాభక్తి చాలు చాలు

కల్గియుంటే మేలు మేలు

మంచి చేసే వారందరికి

కృతజ్ఞతలే వేనవేలు

.