ఇంటి దీపము అమ్మ
ప్రేమ రూపము అమ్మ
మేలి బంగరు కొమ్మ
ఓ వెన్నెలమ్మ!
అమ్మ ఉంటే నవత
కుటుంబంలో ఘనత
పంచిపెట్టును మమత
ఓ వెన్నెలమ్మ!
అమ్మ మనసే వెన్న
సిరి సంపదల కన్న
సృష్టిలోనే మిన్న
ఓ వెన్నెలమ్మ!
అమ్మ ఉంటే జగతి
ఆమెతోనే ప్రగతి
లేకున్న అధోగతి
ఓ వెన్నెలమ్మ!
నవ మాసాలు మోయు
కను రెప్పలా కాయు
అమ్మ సేవలు చేయు
ఓ వెన్నెలమ్మ!
ఇంటి దేవత తల్లి
మాట చూడగ మల్లి
లేత ద్రాక్షావల్లి
ఓ వెన్నెలమ్మ!
addComments
కామెంట్ను పోస్ట్ చేయండి