శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

156)ఊర్జితః -

అతి బలవంతుడైనవాడు

సర్వశక్తులు కూడినవాడు

మహాబలమునీయగలవాడు 

ధృడమైనట్టి మూలమున్నవాడు 

శ్రీ విష్ణు సహస్రనామాలు ఉమా!

157)అతీoద్రః -

ఇంద్రుని అతిక్రమించినవాడు

దేవేంద్రుని కంటే ఘనుడు

దేవతలు కొలుచుచున్నవాడు

అధిష్టానము నందున్నవాడు 

శ్రీ విష్ణు సహస్రనామాలు!ఉమా!

158)సంగ్రహః -

అన్నియు సంగ్రహించువాడు

ప్రళయమున రక్షించువాడు

సూక్ష్మరూపము చేయగలవాడు 

భక్తులనొకచోట చేర్చువాడు 

శ్రీ విష్ణు సహస్ర నామాలు ఉమా!

159)సర్గః -

సృష్టియే తానుగా మారినవాడు

సకలమూ తనవైనట్టివాడు

కారణముగా నిలుచున్నవాడు

బాధ్యతతాను భరించువాడు 

శ్రీ విష్ణు సహస్ర నామాలు ఉమా!

160)ధృతాత్మా-

తనపైతాను ఆధారపడేవాడు

ధృతిని కలిగించగలవాడు 

ఆదరముగా చూడగలవాడు

ఆశ్రయము నీయగలవాడు 

శ్రీ విష్ణు సహస్రనామాలు ఉమా!

(సశేషం )