శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

36)ఈశ్వరః -

సర్వులను పాలించునట్టివాడు

సకలాధిపత్యము పొందినవాడు

ఇచ్ఛామాత్రముగ నుండువాడు

అతీతుడై చరించెడివాడు 

శ్రీ విష్ణు సహస్రనామాలు ఉమా!

37)స్వయంభూః -

స్వయంగా జన్మించినవాడు

ఇచ్ఛానుసారం ప్రభవించువాడు

ఎట్టి ఆధారాలు లేనివాడు

స్వామి తనకుతానైనవాడు 

శ్రీ విష్ణు సహస్రనామాలు!ఉమా!

38)శంభుః -

శుభముల ప్రసాదించువాడు

సుఖజీవితము నొసగువాడు

సంతోషమునందించు వాడు

సుఖములకు కారణమైన వాడు 

శ్రీ విష్ణు సహస్ర నామాలు ఉమా!

39)ఆదిత్యః -

సూర్య మండలప్రకాశకుండు

అదితి కుమారుడైన వామనుడు

స్వర్ణకాంతి ప్రకాశకుడు

విష్ణువను పేరుగల్గినవాడు 

శ్రీ విష్ణు సహస్ర నామాలు ఉమా!

40)పుష్కరాక్షః -

తామరపూల కన్నులు గలవాడు

పద్మనేత్రములభాసించువాడు

పద్మ సంభవునికి జనకుడు 

పద్మాక్షి లక్ష్మిని ధరించినవాడు 

శ్రీ విష్ణు సహస్రనామాలు ఉమా!