కలం కన్నీరు!!...;- -గద్వాల సోమన్న,9966414580

నైతిక విలువలు తరిగిపోతుంటే

ఎండమావి పగలబడి నవ్వుతుంది

మానవత్వం కనుమరుగవుతుంటే

నేతి బీరకాయ తడుముకుంటుంది

పవిత్రమైన ప్రేమ ఇంకిపోతుంటే

భూమత చూడు కంటతడిపెడుతుంది

సమ న్యాయం తలక్రిందులవుతుంటే

న్యాయ దేవత గాంధారి అవుతుంది

స్వేచ్ఛ కాసింత అధికమవుతుంటే

విచ్చలవిడితనం పెట్రేగిపోతుంది

చిన్నాపెద్దా తేడా లేకుండా

మనిషితనమూ దిగజారిపోతోంది

నాలుగు పాదాలు నడవాల్సిన

ధర్మం చతికిలపడిపోతుంటే

కలం కన్నీరుమున్నీరవుతుంది

నింగి సిగ్గుతో తలదించుకుంటుంది