శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

291)పవనః -

సకలమును పవిత్రమొనర్చువాడు 

మలినరహితుడైనట్టి వాడు

శూన్యమును నింపినట్టివాడు 

గాలిని ప్రసరించుచున్నవాడు 

శ్రీ విష్ణు సహస్రనామాలు!ఉమా!

292)పావనః -

వాయువునందున్నట్టి వాడు

చలనశీలతను కలిగించువాడు

విశ్వములో సంచరించువాడు 

అంతయును నిండినట్టివాడు 

శ్రీ విష్ణు సహస్రనామాలు ఉమా!

293)అనలః -

ప్రాణాధారమయినట్టివాడు

చేతనాగ్ని స్వరూపమైనవాడు

కదలికలనిచ్చునట్టివాడు

అనల స్వరూపమునున్నవాడు

శ్రీ విష్ణు సహస్ర నామాలు ఉమా!

294)కామహాః -

కామములను అంతంచేయువాడు

కోరికలు తుదముట్టించువాడు

సాధుతత్వం కలిగించువాడు

వైరాగ్యం ప్రసాదించువాడు 

శ్రీ విష్ణు సహస్ర నామాలు ఉమా!

295)కామకృత్ -

సాత్వికవాంఛలు నెరవేర్చువాడు

కోర్కెలను తీర్చునట్టి వాడు

కామ్యసిద్ధి కలిగించువాడు

కోరినవి ప్రసాదించువాడు

శ్రీ విష్ణు సహస్రనామాలు ఉమా!

(సశేషం )