శ్రీ విష్ణు సహస్రనామాలు(బాల పంచపది ) ఎం. వి. ఉమాదేవి

216)స్రగ్వీ - 

వాడనిపూమాల ధరించినవాడు 

తగ్గనికీర్తిగలిగిన వాడు 

వైజయంతిమాల ధరించినవాడు 

హరిరూపమునందున్నవాడు 

శ్రీ విష్ణు సహస్రనామాలు!ఉమా!

217)వాచస్పతి రుదానిధీః -

విద్యలకు అధిపతియైనవాడు

వాక్కుయే నిధియైనట్టివాడు

వేల్పులకు ఒజ్జయైనవాడు 

బృహస్పతియే తానైనవాడు 

శ్రీ విష్ణు సహస్రనామాలు ఉమా!

218)అగ్రణీః -

భక్తులకు దారిచూపించువాడు

ముఖ్యమైన వ్యక్తిగానున్నవాడు

గామిడి యైశాశించువాడు 

పురప్రముఖుడై భాసిల్లువాడు 

శ్రీ విష్ణు సహస్ర నామాలు ఉమా!

219)గ్రామణీః -

సకలభూతములకు నాయకుడు 

గ్రామాధిపతిగా నున్నవాడు 

సమూహ ముఖ్యుడైనట్టివాడు

గ్రామరక్షణ చేయునట్టివాడు 

శ్రీ విష్ణు సహస్ర నామాలు ఉమా!

220)శ్రీమాన్ -

ఉత్కృష్టమైన కాంతిగలవాడు

శ్రీలతో కూడియుండెడివాడు

స్థితిమంతుడైనట్టి వాడు

లక్ష్మికి ఆలవాలమైనవాడు 

శ్రీ విష్ణు సహస్రనామాలు ఉమా!

(సశేషం )