శ్రీ విష్ణు సహస్రనామాలు (బాల పంచపది -ఎం. వి. ఉమాదేవి

421)ఉగ్రః -

ఉగ్రరూపంలో కనిపించువాడు

భయంకరమైన ఆకారపు వాడు

నారసింహ అవతారమైనవాడు

భీతిని గలిగించగల వాడు 

శ్రీ విష్ణు సహస్రనామాలు ఉమా!

422)సంవత్సరః -

సర్వజీవుల ఆశ్రయమైనవాడు

నివాసముగా నున్నట్టివాడు

కాలము తనయందున్నవాడు 

అరువది వత్సరములైనవాడు 

శ్రీ విష్ణు సహస్ర నామాలు ఉమా!

423)దక్షః -

సమస్త కర్మలనాచరించువాడు

దక్షతతో చేయుచున్న వాడు

సామర్ధ్యం గలిగియున్నవాడు

పనితనము తానైనవాడు

శ్రీ విష్ణు సహస్రనామాలు ఉమా!

424)విశ్రామః -

జీవులకు విశ్రాంతి నిచ్చువాడు

ఊరడిల్లజేయునట్టి వాడు

విరామం ప్రకటించుచున్న వాడు

నిమ్మళంగా నున్నట్టి వాడు 

శ్రీ విష్ణు సహస్ర నామాలు ఉమా!

425)విశ్వదక్షిణః -

అశ్వమేథయాగమునున్నవాడు

విశ్వమునే దక్షిణనిచ్చిన వాడు

శ్రేయోభిలాషియైనట్టి వాడు

చరాచరముల నడుపువాడు 

శ్రీ విష్ణు సహస్రనామాలు ఉమా!

(సశేషం )