శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

476)ధర్మకృత్ -

ధర్మమును ఆచరణజేయువాడు 

ధర్మ జ్ఞానమును కలిగియున్నాడు

కృత్యములలో ధర్మమున్నవాడు 

ఉపదేశమును చేయుచున్నవాడు 

శ్రీ విష్ణు సహస్రనామాలు ఉమా!

477)ధర్మీ -

ధర్మముకు ఆధారమయినవాడు 

కర్మ ద్యుతి తెలిసినట్టివాడు 

ధర్మవిచక్షణ గలిగినవాడు 

సత్యమే ధర్మంగా తెలుపువాడు 

శ్రీ విష్ణు సహస్ర నామాలు ఉమా!

478)సత్-

మూడుకాలాలలో నున్నట్టివాడు 

సృష్టి పర్యంతము నిలుచువాడు 

సత్తు పరిణామం తెల్పువాడు 

పరిధి తెలిపిగమనించువాడు 

శ్రీ విష్ణు సహస్రనామాలు ఉమా!

479)అసత్ -

పరిణామక్రమంలో నున్నవాడు 

జగత్తుకి ఆశ్రయమిచ్చినవాడు 

సద్భావనలను పొందగలవాడు 

ఆశావహమై యుండునట్టి వాడు 

శ్రీ విష్ణు సహస్ర నామాలు ఉమా!

480)క్షరః -

వ్యయమగు విశ్వరూపమున్నవాడు 

తెలియబడుచున్నట్టి వాడు 

విష్ణురూపములో నున్నట్టి వాడు 

భక్తి పోగుజేయబడుచున్నవాడు 

శ్రీ విష్ణు సహస్రనామాలు ఉమా!

(సశేషం )