441)నక్షత్రీ -
తారల రూపంలో నున్నట్టివాడు
చంద్రగ్రహము తానైనవాడు
నక్షత్రమాల యందున్నవాడు
తారామండలంలో గలవాడు
శ్రీ విష్ణు సహస్రనామాలు ఉమా!
442)క్షమః -
సహనాన్ని కలిగియున్నవాడు
సర్వుల క్షమించుచున్నట్టి వాడు
క్షమాగుణ సంపన్నుడైనవాడు
మన్నించుహృదయం గలవాడు
శ్రీ విష్ణు సహస్ర నామాలు ఉమా!
443)క్షామః -
కరువును సృష్టించగలవాడు
నశింపజేయునట్టి వాడు
క్షయము నేరుగనీయనివాడు
క్షామములో రక్షణగు వాడు
శ్రీ విష్ణు సహస్రనామాలు ఉమా!
444)సమీహనః -
సర్వభూతహితము కోరువాడు
భక్తులను అనుగ్రహించువాడు
సమీపభావన కలిగించువాడు
కారుణ్యభావన కలిగించువాడు
శ్రీ విష్ణు సహస్ర నామాలు ఉమా!
445)యజ్ఞః -
యజ్ఞస్వరూపుడయిన వాడు
హవిస్సులు అందుకొనువాడు
యజ్ఞప్రదేశమావరించినవాడు
వేదమంత్రమునున్నట్టి వాడు
శ్రీ విష్ణు సహస్రనామాలు ఉమా!
(సశేషం )
addComments
కామెంట్ను పోస్ట్ చేయండి