శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

436)స్థవిష్ఠః -

విరాట్ రూపంలోనున్నవాడు

దిగంతములు నిండినవాడు

విష్ణుమూర్తి తానైనవాడు

మిక్కిలి స్థూలమైయున్నవాడు 

శ్రీ విష్ణు సహస్రనామాలు ఉమా!

437)అభూః -

పుట్టుక లేకుండినవాడు

పూర్వము లేనట్టివాడు

స్వతంత్రత గలిగినవాడు

విష్ణు అంశమునున్నవాడు 

శ్రీ విష్ణు సహస్ర నామాలు ఉమా!

438)ధర్మయూపః -

ధర్మముకు కట్టుబడినవాడు

ధర్మంతో కలిసినవాడు

యజ్ఞమున నివసించువాడు

ధర్మయూప నామమున్నవాడు

శ్రీ విష్ణు సహస్రనామాలు ఉమా!

439)మహామఖః -

ధర్మస్వరూపుడై యున్నవాడు

యజ్ఞము తానైనట్టి వాడు

వేదసహితుడై యున్నవాడు

మహామఖ నామధేయుడు 

శ్రీ విష్ణు సహస్ర నామాలు ఉమా!

440)నక్షత్ర నేమిః -

జ్యోతిష్యమును చెప్పువాడు

చక్రవర్తితనము చేయువాడు

నక్షత్రనేమిగా నుండువాడు

గ్రహగతులను తెలుపువాడు 

శ్రీ విష్ణు సహస్రనామాలు ఉమా!

(సశేషం )