శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

471)వత్సలః -

అమితమైన వాత్సల్యమున్నవాడు 

ప్రేమతో చేరదీయుచున్నవాడు 

భక్తుల యోగక్షేమకారకుడు 

సమాదరణమున్నట్టివాడు 

శ్రీ విష్ణు సహస్రనామాలు ఉమా!

472)వత్సీః -

తండ్రివంటి ఆప్యాయతవున్నవాడు 

బాలురవలే ఆదరించువాడు 

భక్తజనులను గాచుచున్నవాడు 

రక్షణభావన గలిగినవాడు 

శ్రీ విష్ణు సహస్ర నామాలు ఉమా!

473)రత్నగర్భః -

సాగరమువలే నున్నట్టివాడు 

రత్నరాసులు గలిగినవాడు 

గర్భమున ముత్యాలున్నవాడు 

మణిమాణిక్యసహితుడైనవాడు 

శ్రీ విష్ణు సహస్రనామాలు ఉమా!

474)ధనేశ్వరః -

సంపదలకు ప్రభువైనవాడు 

ధనముకు ఈశ్వరుడైనవాడు 

లక్ష్మి తనయందేయున్నట్టివాడు 

సంపదకు మూలమైయున్నవాడు 

శ్రీ విష్ణు సహస్ర నామాలు ఉమా!

475)ధర్మగుప్ -

ధర్మాన్ని రక్షించుచున్నట్టివాడు 

ధర్మ ప్రయోగము చేయుచున్నవాడు 

న్యాయమును కాపాడగలవాడు 

సత్యధర్మములను గుప్పెడువాడు 

శ్రీ విష్ణు సహస్రనామాలు ఉమా!

(సశేషం )