అడవిలోన బోయవాడు కాపుగాసెను
వలవేసి చిలకలను పట్టుచుండెను
కంటి రెప్పవోలెకాచి వాడవాడన
పంజరానపెట్టి వాటినమ్ముచుండెను
అందులోని ఒకచిలుకకు నచ్చకుండెను
పంజరంబునుండలేక దిగులు చెందెను
అందమైన అడవిలోన ఉన్న స్వేచ్ఛను
మరువలేక ఉపాయాన్ని పన్నుచుండెను
నీరు త్రాగలేక చిలుక మందకొడిగా
తిండీ తిప్పలకోర్చి ఎండుచుండెను
అలసిసొలసి బక్కజిక్కి పోవుచుండగా
తలుపుతెరచి బోయవాడు తీసె చిలుకను
మోచేతిన పెట్టి ఊసులాడుచుండగా
ఉలుకు పలుకు లేకుండా ఉండసాగెను
ఏమరుపాటుగ నున్న బోయవాడిని
నమ్మజూసి చిలుక తుర్రునెగిరి పోయెను
addComments
కామెంట్ను పోస్ట్ చేయండి