ఉగాది - ఆశల విహారి; వెంకట రమణారావు విశాఖపట్టణం -9866186864

వసంత వేడుకల వయ్యారి

ఆశల పురి విప్పిన మయూరి

పచ్చని వలువ కట్టి

కోయిల పలుకులతో

తలుపు తట్టి నిలిచింది

మన ఇంటి ముంగిట

అడుగులో అడుగు వేసి

ఆశల పూల సజ్జతో

పరిమళాల వీవన తో

ఆరు రుచులు రంగరించి

ఆశల దొన్నెలలో

అందరికీ పంచుతుంది

ఊరించే ఉగాది మాధుర్యం 

ఆది లేని కాలానికి 

వసంత హేమంతాలు 

కొలమానంగా 

విహరించే ప్రకృతి కాంత

 విహారం లో

నాంది పలుకు  ఉగాది

కొత్త ఆశలు కోటి  కలలు

క్రొంగొత్త అందాలతో

వస్తుంది ఉగాది

నిత్య నూతన ఉగాది